होमपेज / खेलकुद
काठमाडौं । नेपाल प्रिमियर लिग (एनपीएल) सिजन-२ को क्वालिफायरमा लुम्बिनी लायन्सले विराटनगर किङ्गसलाई १३५ रनको लक्ष्य दिएको छ ।
टीयू क्रिकेट मैदानमा टस हारेर पहिला ब्याटिङ गरेको लुम्बिनी लायन्सले निर्धारित २० ओभरमा ८ विकेट गुमाएर १३४ रन बनाएको हो । लुम्बिनीका लागि ओपनर डार्सी सर्टले सर्वाधिक ४५ रन बनाए । उनले कप्तान रोहित पौडेलसँग दोस्रो विकेटका लागि ६९ रनको साझेदारी गरेका थिए । रोहित भने ३४ रनमा आउट भए ।
दिनेश अधिकारी १, निरोशन डिक्वेला २९, सन्दीप जोरा, जेजे स्मिथ, दिलिप नाथ १ र शेर मल्ल ७ रनमा आउट भए । अभिषेश गौतम २ र रुवेन ट्रम्पलम्यान ११ रनमा अविजित रहे । बलिङमा विराटनगरका सुवाश भण्डारी र प्रतिश जिसीले ३–३ तथा कप्तान सन्दीप लामिछानेले दुई विकेट लिए ।
यो खेलको विजेताले उपाधिका लागि शनिबार सुदूरपश्चिम रोयल्ससँग खेल्ने भएकाे छ।
