होमपेज / खेलकुद
काठमाडौं । पोखरामा हुने टाइगर कप भलिबल प्रतियोगिताको छैटौँ संस्करण आगामी माघ दोस्रो साता हुने भएको छ ।
आयोजक टाइगर ग्रुप अफ पोखरा नेपालले आज(शनिबार) काठमाडौँमा पत्रकार सम्मेलन गर्दै टाइगर कप भलिबल माघ ९ देखि १९ गतेसम्म हुने जानकारी दिएको हाे । प्रतियोगिताको उपाधि विजेताले ६ लाख ६६ हजार ६ सय रुपैयाँ तथा उपविजेताले ३ लाख ६६ हजार ६ सय ६६ रुपैयाँ प्राप्त गर्ने टाइगर ग्रुपका अध्यक्ष नारायण शर्माले बताए । तेस्रो हुने टोलीले १ लाख ६६ हजार ६ सय ६६ रुपैयाँ पाउनेछन् ।
प्रतियोगिताको सर्वोत्कृष्ट खेलाडीले २६ हजार ६ सय ६६ रुपैयाँ पाउनेछन् । प्रतियोगिताको उत्कृष्ट सेटर, सर्भर, ब्लकर, लिबेरो, स्पाइकर र प्रशिक्षकले समान ११ हजार ६ सय ६६ रुपैयाँ हात पार्नेछन् । प्रतियोगिताका लागि कान्तिपुर मिडिया ग्रुप र सुश्री मिडिया प्रालिसँग समझदारीपत्रमा हस्ताक्षर गरेको छ ।
प्रतियोगिता पोखरा रंगशाला भित्रको भलिबल कोर्टमा हुने भएकाे छ ।
