होमपेज / खेलकुद
काठमाडौं । नेपाल प्रिमियर लिग (एनपीएल) उद्घाटन खेलका लागि सबै टिकट सकिएका छन् । मंसिर १५ गतेदेखि सुरु हुने एनपीएलको उद्घाटन खेलका लागि सबै टिकट सकिएकाे भएको नेपाल क्रिकेट संघ (क्यान) का प्रवक्ता छुम्बी लामाले जानकारी दिए ।
सम्भवत् पहिलो म्याचको त टिकट पूरै सोल्ड आउट भइसकेको छ दर्शक सामान्यतर्फ र भिआइपीतर्फ पनि,’ उनले भने, ‘दर्शकहरु नेपाल प्रिमियर लिग हेर्न आतुर हुनुहुन्छ ।’
मैदानमा भीआइपी र सामान्यतर्फ गरी करिब १२ हजार दर्शक क्षमता रहेको प्रवक्ता लामाले बताए ।
एनपिएलको उद्घाटन खेलमा विराटनगर किंग्स र जनकपुर बोल्ड भिड्दैछन् । विराटनगरको मार्की खेलाडी सन्दीप लामिछाने र जनकपुरका मार्की खेलाडी आसिफ शेख छन् ।
