होमपेज / खेलकुद
काठमाडौं । काठमाडौस्थित दशरथ रंगशालामा भएको खेलमा नेपाललाई २–१ गोलले पराजित गर्दै बंगलादेशले उपाधि चुमेकाे छ ।
खेलको ५३ औँ मिनेटमा मोनिका चक्माको गोलमा बंगलादेशले अग्रता बनाएको थियो। बंगलादेशले गोल गरेको ४ मिनेटमै नेपालकी अमिशा कार्कीले गोल गर्दै बराबरीमा फर्काएकी थिइन् ।
दोस्रो हाफको ३७ औँ मिनेटमा बंगालदेशकी रितुपुर्णा चक्माले फेरि अर्को गोल गर्दै बंगलादेशलाई उपाधि जिताएकी हुन् । त्यसपछि दुवैतर्फबाट गोल नभएपछि बंगलादेशले लगातार दोस्रोपटक साफ च्याम्पियनसिपको उपाधि जितेको हो । नेपाल भने छैटौं पटक उपविजेतामा सीमित भएको छ ।
