होमपेज / खेलकुद
काठमाडौं । वेष्ट इन्डिज ‘ए’ ले नेपाललाई टी–२० खेलकाे अन्तिम खेलमा १ सय ७३ रनको लक्ष्य दिएको छ ।
टीयु क्रिकेट मैदानमा टस जितेर पहिला ब्याटिङ गरेको वेष्ट इन्डिज ‘ए’ ले निर्धारित २० ओभरमा ७ विकेट गुमाउँदै १७२ रन बनाएको हो ।
बलिङमा नेपालका सागर ढकाल र सोमपाल कामीले ३/३ विकेट लिए । सोमपालले एकैओभरमा दुई विकेट लिएका हुन् । अभिनाश बोहोराले एक विकेट लिए ।
वेष्ट इन्डिज ‘ए’ का लागि एलिक अथान्जले सर्वाधिक रन बनाए । अथान्जे ३५ रनमा अविजित रहे । रोस्टन चासेले ३३ र जोनसन चाल्र्सले २४ रन बनाएर आउट भए । फाबिएन एलेन ३३ रनमा अविजित रहे ।
वेष्ट इन्डिज ‘ए’ले सिरिजको उपाधि जितिसकेको छ ।
