होमपेज / खेलकुद
काठमाडौं । नेपाल खेलकुद पत्रकार मञ्च समन्वय शाखा कैलालीको अध्यक्षमा प्रदीप पाठक चयन हुनुभएको छ । मञ्चको आज भएको चौथो साधारणसभा तथा तेस्रो अधिवेशनबाट पाठक सर्वसम्मत अध्यक्षमा चयन हुनुभएको हो ।
मञ्चको प्रथम उपाध्यक्षमा शङ्कर बोहरा, उपाध्यक्षमा दिनेशबहादुर विष्ट र गगन अयडी, महासचिवमा हरि जोशी, सचिवमा विराज रोश्यारा र कोषाध्यक्षमा नवराज पनेरु चयन हुनुभएको छ । सदस्यमा निराजन परियार, सविता बुढा, डिल्लीराज ओझा, पाण्डव पुजारा र निर्मला खडायत रहनुभएको छ । मञ्चको समन्वय शाखा कैलालीले बर्सेनि स्पोट्स अवार्ड कार्यक्रमको आयोजना गर्दै आएको छ । कोरोना कालमा जोखिम न्यूनीकरणका लागि मञ्चका सदस्यको कोरोना बीमा पनि गरेको थियो । रासस
