होमपेज / अर्थ
काठमाडौं । सुनको मूल्यमा अहिलेसम्म कै उच्च वृद्धि भएको छ । सुनकाे मूल्यमा आज १ हजार ५ सयले वृद्धि भएर प्रतितोला १ लाख ६८ हजार ५ सय पुगेको हाे। नेपाल सुनचाँदी व्यवसायी महासङ्घका अनुसार यो मूल्य नेपाली बजारमा हालसम्मकै सबैभन्दा बढी हो ।
हिजो १ लाख ६७ हजार रुपैयाँ तोलामा सुन कारोबार भएको थियो । हिजो ४ सय रुपैयाँ तोलामा मूल्य घटेको थियो । चाँदीको मूल्य भने २ हजार १ सय ५ रुपैयाँ तोकिएको छ । चाँदीको मूल्य आज प्रतितोला ४० रुपैयाँले वृद्धि भएको छ ।
