होमपेज / अर्थ
काठमाडौँ । आज (मंगलबार) सेयर बजारका सबै सूचक बढेका छन् । कारोबार रकम पनि वृद्धि भएको छ । नेप्से परिसूचक अघिल्लो दिनको तुलनामा १६.२० अङ्कले बढेर २०४५ अङ्कमा कायम भएको छ ।
कारोबार रकम पनि सोमबारको तुलनामा एक अर्ब बढेको छ । सात दिनयता नेप्से निरन्तर उकालो लागेको छ । सोमबार १ अर्ब २९ करोड करोड रुपैयाँको कारोबार भएकोमा मंगलबार २ अर्ब २९ करोडको भयो ।
बैङ्किङ ६, विकास बैङ्क ४१, फाइनान्स ४३, होटल तथा पर्यटन ३९, जलविद्युत् १५, जीवन बीमा ८०, उत्पादन ६४, माइक्रोफाइनान्स ८२, निर्जीवन बीमा ७२, अन्य ३ र व्यापार उपसमूह ३२ अङ्क बढे ।
कुल १४६ कम्पनीको मूल्य बढ्दा २९ को घट्यो भने ५ को स्थिर रह्यो । इमर्जिङ नेपालको मूल्य सबैभन्दा धेरै ८ प्रतिशत बढ्यो ।
गणपति लघुवित्तको ६.९, ग्रिन भेन्चरको ५.५, आईसीएफसीको ५.२ र गुह्येश्वरी मर्चेन्टको सेयर मूल्य ४.८ प्रतिशतले बढ्यो ।
