ट्रेण्डिङ

होमपेज / प्रबिधि

गुगलले भारतमा १२ खर्ब लगानी गर्दै

नेपालगाथा २०७७ असार ३० गते मंगलबार १४:०१:४२ मा प्रकाशित

एजेन्सी । गुगलले भारतमा १२ खर्ब लगानी गर्ने भएको छ । विश्वको दोश्रो धेरै जनसंख्या भएको मुलुक भारतमा संसारका दिग्गज कम्पनीहरुले व्यापक लगानी गर्न सुरु गरेका हुन । गत अप्रिलमा फेसबुक कम्पनीले भारतीय जियो कम्पनीमा ५ अर्ब ७० करोड अमेरिकी डलर लगानी गरेको थियो । फेसबुकले भारतमा लगानी घोषणा गरेको ३ महिना नबित्दै गुगलले १० अर्ब डलर लगानीको घोषणा गरेको छ ।

गुगल तथा उसको मातृ कम्पनी अल्फाबेटका सिइओ सुन्दर पिचाइले हालै एक कार्यक्रममा गुगलले आगामी ५र७ वर्षभित्र भारतमा १० अर्ब डलर लगानी गर्ने घोषणा गरेका हुन् । गुगल फर इण्डिया २०२० कार्यक्रमका क्रममा उनले गुगलको उक्त लगानी इक्विटी, साझेदारी, भौतिक पूर्वाधार तथा पर्यावरण लगानीका रुपमा रहने बताए । उनका अनुसार गुगलले लगानी भारतको डिजिटलाइजेसनका चार महत्वपूर्ण क्षेत्रमा केन्द्रित हुनेछ ।

त्यसमा भारतमा प्रचलित भाषाहरुमा सुलभ डिजिटल पहुँच तथा जानकारी प्रदान गर्ने, भारतीय आवश्यकतामा आधारित वस्तु तथा सेवाको उत्पादन, डिजिटल रुपान्तरणका लागि व्यवसायहरुलाई सहयोग गर्ने तथा स्वास्थ्य, शिक्षा र कृषिजस्ता सामाजिक क्षेत्रमा आर्टिफिसियल इन्टेलिजेन्स र प्रविधिको प्रयोगलाई सहज बनाउने लगायतका हुनेछन् । गुगल सिइओका अनुसार अहिले भारतका २ करोड ६० लाखवटा साना तथा मझौला व्यवसायहरु गुगल सर्चमा भेटाउन सकिन्छ । 

प्रतिक्रिया

सम्बन्धित खवर

Top