ट्रेण्डिङ

होमपेज / प्रबिधि

फेसबुकले ल्यायो कोल्याब नामक नयाँ एप, टिकटक जस्तै भिडियाे बनाउन मिल्ने

नेपालगाथा २०७७ जेठ १७ गते शनिबार १७:३९:२१ मा प्रकाशित

काठमाडौँ । टिकटकलाई टक्कर दिनेगरी फेसबुकले एक नयाँ एप सार्वजनिक गरेको छ । फेसबुकको प्रयोगकतात्मक एप विभागले कोल्याब नामको नयाँ एप तयार गरेको हो । फेसबुकको यो नयाँ एप हाल एप्पल प्रयोगकर्ताका लागि बेटा भर्सनमा मात्र उपलब्ध रहेको छ । यो एपले सर्जक र उनीहरूका फ्यानलाई एक ठाउँमा ल्याउनेछ । यो एक म्युजिक मेकिङ एप हुनेछ जसमा प्रयोगकर्ताले कुनै पनि गीतमा आफ्नो भिडियो तयार गरी अपलोड गर्न सक्दछन् ।

आफ्नो आधिकारिक पोष्टमा फेसबुकले भनेको छ, ‘कोल्याबसँगै हामीले प्रविधिलाई सहज बनाइदिएका छौं जहाँ मानिसहरूलाई मूल सांगीतिक भिडियोसँगै मिलेर आफ्नो सिर्जनात्मक क्षमता प्रष्फुटित गर्न सक्नेछन् ।’

यो एपमा प्रयोगकर्ताले कुनै संगीतमा आफ्नो छोटो भिडियो तयार गर्न सक्दछन् । यस्तो भिडियो तीन भागमा बाँडिएको हुन्छ र तिनवटै भिडियो एकपछि अर्को गर्दै आउँदछन् । तीनवटा भिडियोका संगीतमा फरक–फरक वाद्यवादनको प्रयोग गर्न सकिन्छ वा आफूले एक भाग रेकर्ड अरू दुई भाग अन्य दुईजना साथीलाई रेकर्ड गरेर तीनजनाको भिडियो एकसाथ मिसाएर एकीकृत भिडियो तयार पार्न सकिन्छ ।

कोल्याबमा पोष्ट गरिएका भिडियोहरू इन्स्टाग्राम, फेसबुक स्टोरिज तथा अन्य प्लाटफर्ममा पनि सेयर गर्न सकिन्छ । यो नयाँ एपमा ८ जनासँग ग्रुप कलमा जोडिन सक्दछन् ।
एजेन्सी

प्रतिक्रिया

सम्बन्धित खवर

Top