होमपेज / अन्तराष्ट्रिय
काठमाडौं । २ वर्ष अघि इजरायलमा हमासद्वारा बन्धक बनाइएका नेपाली युवा विपिन जोशी जीवित नरहेको इजरायली अधिकारीहरूले स्पष्ट गरेका छन् ।
इजरायलका लागि नेपाली राजदूत धनप्रसाद पण्डितका अनुसार आज इजरायली प्रधानमन्त्री कार्यालयका प्रतिनिधि र सेनाको कमाण्डरले अमेरिका बसोबास गरिरहेकी विपिनकी आमा र बहिनी तथा नेपालस्थित आफन्त किशोर जोशीलाई यो जानकारी गराएका हुन् ।
राजदूत पण्डितले भने, “विपिन जोशी अब जीवित छैनन् भन्ने औपचारिक सूचना प्राप्त भएको छ । सबैभन्दा पहिले इजरायली अधिकारीहरूले मलाई जानकारी गराए, त्यसपछि उनका परिवारजनलाई सूचित गरिएको हो । यद्यपि, हालसम्म विपिनको शवबारे ठोस जानकारी उपलब्ध भएकाे छैन ।”
इजरायल र हमासबीचको पछिल्लो सम्झौताअनुसार आज हमासले आफ्ना कब्जामा रहेका २० जना बन्धकहरूलाई रिहा गर्दैछ ।
