ट्रेण्डिङ

होमपेज / अन्तराष्ट्रिय

भ्रष्टाचार आरोपमा इन्डोनेसियाका मत्स्यमामिला मन्त्री गिरफ्तार

नेपालगाथा २०७७ मंसिर १२ गते शुक्रबार ०९:५९:४९ मा प्रकाशित

जाकर्ता । इन्डोनेसियाका समुद्री तथा मत्स्यमामिला मन्त्री इधी प्राबोवोलाई प्रहरीले गिरफ्तार गरेको छ। समुद्री झिँगाहरूको ओसार पसारसम्वन्धी विवादास्पद नीतिमा भ्रष्टाचार गरेको आरोप लगाउँदै उनलाई गिरफ्तार गरिएको हो। इन्डोनेसियाको भ्रष्टाचार निवारण आयोगका उच्च अधिकारीले राजधानी जाकार्तामा बुधबार बेलुका पत्रकार सम्मेलन गरी मन्त्री प्राबोवोलाई गिरफ्तार गरिएको जानकारी दिएका हुन्। 

मन्त्री प्राबोवोले ओसारपसारसम्वन्धी निर्णय गर्ने क्रममा आयातकर्ताहरूसँग मिलेर झण्डै ६ लाख ९५ हजार ६५५ अमेरिकी डलर भ्रष्टाचार गरेको आयोगका अधिकारीहरूले दावी गरेका छन्। बुधबार बिहान आयोगका अधिकारीहरूले कार्यालयमा उपस्थित हुन आग्रह गर्दा उनी र श्रीमतीले अस्वीकार गरेपछि अपरान्ह गिरफ्तार गरिएको जनाइएको छ। 

मन्त्रीसँगै सात जनालाई आयोगले काण्डबारे सोधपुछ गर्न लागेको आयोगका अधिकारीहरुले जानकारी दिएका छन्। मन्त्री प्राबोवोलाई प्रहरीले पक्राउ गरेपछि राष्ट्रपति जोको विडोडोले अर्का मन्त्री लुहुत पन्जैतानलाई उनको मन्त्रालयको पनि जिम्मेवारी दिएका छन्। एजेन्सी ।

प्रतिक्रिया

सम्बन्धित खवर

Top