ट्रेण्डिङ

होमपेज / प्रबिधि

अबदेखि अन्तर बैंक एटीमएम शुल्क लाग्ने

नेपालगाथा २०७७ मंसिर १९ गते शुक्रबार १७:२२:४८ मा प्रकाशित

अबदेखि एक बैंकको एटीमएम कार्ड प्रयोग गरेर अर्को बैंकको एटीएमबाट रकम निकाल्दा शुल्क तिर्नु पर्ने भएको छ । नेपाल राष्ट्र बैंकले चालु आर्थिक वर्षका लागि ल्याएको मौद्रिक नीतिको समीक्षा गर्दै अबदेखि एमीएम शुल्क लिन पाउने व्यवस्था गरेको हो । यसअघि राष्ट्र बैंकले कोरोना भाइरसको असर रहेसम्म जुनसुकै बैंकको एटीमएमबाट पैसा निकाले पनि शुल्क नलिन बैंकहरुलाई निर्देशन दिएको थियो ।

उक्त निर्देशन खारेज गर्दै बैंकहरुलाई साविककै व्यवस्था अनुसार शुल्क लिन राष्ट्र बैंकले भनेको हो । एक बैंकको एटीमएम कार्ड प्रयोग गरेर अर्को बैंकको एटीएमबाट रकम निकाल्दा बैंकहरुले सामान्यतया प्रति कारोबार २५ रुपैयाँ लिने गरेका थिए । यद्यपि, केही बैंकहरुले २५ रुपैयाँभन्दा धेरै र केही बैंकले यो भन्दा कममा पनि सेवा दिने गरेका थिए ।

यद्यपि, राष्ट्र बैंकले सर्कुलर जारी गरिसकेपछि मात्रै यो नियम लागू हुनेछ । आगामी साता राष्ट्र बैंकले सर्कुलर जारी गर्ने तयारी गरेको छ ।

प्रतिक्रिया

सम्बन्धित खवर

Top