होमपेज / कला / साहित्य
कयौं निर्धा आवाजहरु डराएको हुनुपर्छ
यति कुरा तिमीले पनि थाहा पाएको हुनुपर्छ
ऊ आगो ननिभाई सरकारसँग राहत माग्न पुग्यो
लाग्छ आफैले आफ्नो घरमा आगो लगाएको हुनुपर्छ
कोर्रा लगाउँदा पनि त कोही मज्जाले हाँसिरहेको छ
सायद योभन्दा पहिले धेरै यातना पाएको हुनुपर्छ
मैले जम्मै उपहारहरु फिर्ता पठाई दिएँ
आजभोलि मेरी प्रेमिका रमाएको हुनुपर्छ
एउटा गरिब आनन्दले आज सुतिरहेको छ
कि ऊ मरको हुनु पर्छ कि अघाएको हुनुपर्छ
ऋषि शर्मा सुदामा
दाङ
