होमपेज / कला / साहित्य
एउटा बटुवा डराएको छ,
उसले हिड्ने बाटो बिराएको हैन, बाटै पो हराएको छ ।
संक्रमणको जोखिम र चोक चोकको चेकिङ देखि बटुवा डराएको छ,
विश्व मानव जगत नै सानो जीवदेखि डराएको छ ।
एक बटुवा मात्र होइन, आज शक्तिशाली विश्वको होस् हराएको छ,
म सानो बबुरो को त के कुरा भो र,
छुरा, भाला लिएर दिनरात दादागिरी देखाउने डन डराएको छ ।
विश्व मानव जगतको मन डराएको छ,
शक्तिशाली राष्ट्रको आज शक्ति र धन हराएको छ ।
भेन्टीलेटरको पालो नपाएर ९० बर्षका हजुरबुबाको सास थर्थराएको छ,
चिहानको पालो पर्खेर बस्दा बस्दै आत्तिएर,
प्लास्टिक भित्रबाट मान्छेको लास कराएको छ ।
म सानो बबुरो र एउटा बटुवा को त के कुरो भो र,
कसलाई दण्डित गर्ने, कसलाई खातिर गर्ने भनी यमराज पनि कराएको छ ,
पृथ्वी रित्तियर कतै आफू भरिने हो कि भनी आज यमलोक डराएको छ ।
स्वयम्भु, काठमाडाैं
