होमपेज / अर्थ
काठमाडौं । नेपाली बजारमा सुनको मूल्य आज(मंगलबार) पनि घटेको छ। अघिल्लो दिन सोमबार ७०० रुपैयाँले घटेको सुन आज १ हजार रुपैयाँले घटेको हो।
नेपाल सुन- चाँदी व्यवसायी महासंघका अनुसार आज १ हजार रुपैयाँले घटेर प्रतितोला सुनको मूल्य २ लाख ५१ हजार ९०० कायम भएको छ। सोमबार सुन प्रतितोला २ लाख ५२ हजार ९०० रुपैयाँमा कारोबार भएको थियो। सुनको मूल्य घटे पनि चाँदी भने महंगिएको छ।
आज १५ रुपैयाँले बढेर चाँदी प्रतितोलाको ३ हजार ६०० पुगेको छ। सोमबार एक तोला चाँदी ३ हजार ५ ८५ रुपैयाँमा कारोबार भएको महासंघले बताएकाे छ।
