होमपेज / समाज
विराटनगर । प्रधानमन्त्री केपी शर्मा ओली आज विराटनगर आउँदै छन् र २०० बेड क्षमताको जीवन विकास सामुदायिक अस्पतालको उद्घाटन गर्नेछन्।
अस्पताल मोरङको हल्दीबारीमा २०० बेड क्षमतामा निर्माण भएको हो र सामाजिक व्यवसायको अवधारणामा सञ्चालनमा आएको छ।
उहाँले दिउँसो १ बजे हेलिकप्टरमार्फत आउँदै ३ बजे फर्कने कार्यक्रम छ, अस्पतालको उद्देश्य सबै नागरिकलाई समान स्वास्थ्य सेवा सुनिश्चित गर्नु हो।
जीवन विकास समाजको अगुवाइमा मोरङको कटहरी गाउँपालिका–२ हल्दीबारीमा २ अर्ब लागतमा २०० बेड क्षमताको जीवन विकास सामुदायिक अस्पताल निर्माण भएको छ ।
सामाजिक व्यवसायको अवधारणामा मुनाफा वितरण नगर्ने नीतिअन्तर्गत अस्पताल सञ्चालनमा ल्याएको अस्पतालका अध्यक्ष तथा मोरङ क्षेत्र नम्बर ५ का सांसद योगेन्द्र मण्डलले जानकारी दिए । स्वास्थ्य सेवामा सामाजिक न्याय र सबै नागरिकको समान पहुँच सुनिश्चित गर्ने लक्ष्यसहित अस्पताल सञ्चालनमा आएको उनको भनाइ छ ।
२०५४ सालमा गरिबीरहित नेपालको परिकल्पनासहित स्थापना भएको जीवन विकास समाजले ग्रामीण क्षेत्र तथा विपन्न वर्गको जीवनस्तर उकास्नका लागि लघुवित्त सेवा, शिक्षा, स्वास्थ्य, कृषि र रोजगारी सृजनाको क्षेत्रमा काम गर्दै आएको छ ।
ADVERTISEMENT
