होमपेज / समाज
सुर्खेत । कर्णाली प्रदेश सरकारले तरल नाइट्रोजन भवनको सोमबार शिलान्यास गरेकाे छ। कर्णाली प्रदेशका मुख्यमन्त्री यामलाल कँडेल र भूमि व्यवस्था कृषि तथा सहकारीमन्त्री विनोृदकुमार शाहले संयुक्त रुपमा भवनको शिलान्यास गरेका हुन्।
भूमि व्यवस्था कृषि तथा सहकारी मन्त्रालय मातहतको कार्यालय पशुपन्छी विकास निर्देशनालय वीरेन्द्रनगर सुर्खेतको परिसरमा पशुको वीर्य भण्डारण तथा कृत्रिम गर्भाधानका लागि ‘तरल नाइट्रोजन प्लान्ट’ स्थापनाका लागि भवन निर्माण कार्य सुरु भएको हाे। प्लान्ट स्थापनापछि गाई, भैँसीको नश्ल सुधार, उच्च गुणस्तरका पाडा र बाच्छा उत्पादन हुने लक्ष्य राखिएको छ।
मन्त्रालयले गत आर्थिक वर्षमा ४० लाखका विस्तृत परियोजना प्रतिवेदन (डिपिआर) बनाएर काम अगाडी बढाएको थियो। सोही अनुसार चालु आर्थिक वर्षमा चार करोड ८५ लाख बजेट विनियोजन गरेर कर्णाली प्रदेशमा पहिलोपटक प्लान्ट निर्माण सुरु भएको गरिएको हो। तरल नाइट्रोजन प्लान्ट स्थापनाबाट प्रदेशलाई दूधमा आत्मनिर्भर बनाउन लगायत उन्नत जातका पाडा÷बाच्छा उत्पादनमा टेवा पुग्नेछ।
यस्तै, पहिला प्रदेश बाहिरबाट आयत गर्दै आएको पशुको वीर्य कर्णालीमै तरल नाइट्रोजनको स्थापनापछि पशुको वीर्य भण्डारण,तथा कृत्रिम गर्भाधान नश्ल सुधारका लागि सहज हुने भएको छ। मन्त्रालयका मन्त्री विनोदकुमार शाहले बाहिरबाट खरिद गरेर ल्याइएका उच्च जातका राँगा र साँढेको जमेको वीर्यलाई सुरक्षित राख्न र कृत्रिम गर्भाधान प्रक्रियामा प्रयोग गर्न प्लान्ट सहयोगी हुने बताए। उनका अनुसार दूध र मासु उत्पादनका लागि कृत्रिम गर्भाधानमार्फत् नश्ल सुधार अत्यन्त प्रभावकारी हुनेछ।
ADVERTISEMENT
