होमपेज / समाज
काठमाडौं। नायिका स्वस्तिमा खड्का फेस अफ कर्णाली याक्सका रुपमा आवद्ध भएकी छन् । बुधबार काठमाडौंमा आयोजित फेस अफ कर्णाली याक्स सार्वजनिक कार्यक्रममा उनलाई सार्वजनिक गरिएको हो ।
कार्यक्रममा स्वस्तिमाले फेस अफ कर्णाली याक्सको रुपमा आफू जोडिन पाउँदा निकै खुसी लागेको भन्दै कर्णाली याक्सले कर्णाली अझ धेरै आफ्नो पहिचान बनाउन सफल हुने विश्वास व्यक्त गरिन् ।
उनले भनिन्, ‘फेस अफ कर्णाली याक्सको रुपमा जोडिन पाउँदा मलाई निकै खुसी लागेको छ । कर्णाली आफ्नो छुट्टै संस्कृति र पहिचानले पहिलेदेखि नै एकदमै धेरै धनी छ । तर मलाई विश्वास छ अझ यो कर्णाली याक्सले त्यसमा महत्वपूर्ण भूमिका निर्वाह गर्ने छ ।
उनले खेलकुदको समर्थक हुनका लागि प्राविधिक रुपमा जानकार नै हुनु पर्नेभन्दा देशलाई विश्वसामु चिनाउने चाहाना हुुनुपर्ने बताइन् ।
मंसिर १६ गते सुरु हुने नेपाल प्रिमियर लिग (एनपीएल)मा कर्णालीसहित ८ टोलीको सहभागिता रहने छ ।
