होमपेज / समाज
बुटवल । लुम्बिनी प्रदेशकका मुख्यमन्त्री जोख बहादुर महराले सरकार विस्तार गरेका छन् । मुख्यमन्त्री महराले सोमबार दिउँसो नेकपा माओवादीबाट बाँके निर्वाचन क्षेत्र नं. १ बाट निर्वाचित कृष्णा केसीलाई ऊर्जा, जलस्रोत तथा सिँचाइ मन्त्रीमा नियुक्त गरेका हुन् । लुम्बिनी प्रदेश सरकारमा १२ औँ मन्त्री मन्त्रीका रूपमा कृष्णा केसी थपिएकी हुन् ।
लुम्बिनीमा यसअघि १० वटा मन्त्रालय रहेकोमा भागबन्डा मिलाउन १२ वटा मन्त्रालय पुर्याइएको छ ।
केसीको नियुक्तिसँगै लुम्बिनी प्रदेशको मन्त्रिपरिषद् १२ सदस्यीय बनेको छ । यसअघि मुख्यमन्त्री महराले वैशाख १२ गते मन्त्रिपरिषद् बिस्तार गरेका थिए ।
नवनियुक्त मन्त्री केसीले आजै प्रदेश प्रमुखसमक्ष पद तथा गोपनीयताको शपथग्रहण गरेकी छन् ।
