होमपेज / समाज
सुर्खेत । जिल्ला प्रहरी कार्यालय सुर्खेतले दुईजना फरार प्रतिवादीलाई पक्राउ गरेको छ । गत जेठ १६ गते जिप्रका सुर्खेतबाट खटिएको प्रहरी टोलीले निजहरुलाई पक्राउ गरेको हो ।
पक्राउ पर्नेमा जिल्ला अदालत सुर्खेतबाट कुटपिट मुद्धामा पन्ध्र हजार जरिवाना तोकिएका बर्ष ३३ का अविरल भन्ने लक्ष्मी रावत र लागु औषध मुद्दामा २ महिना ५ दिन कैद कायम भएका बर्ष ३० का नविन तिवारी रहेका छन्।
फरार प्रतिवादी रावतलाई प्रहरी वरिष्ठ नायव निरीक्षक विजय शाहिको टोलीले पक्राउ गरेको थियाे। उनी सुर्खेतकाे वीरेन्द्रनगर नगरपालिका ३ एरिचाेक बस्दै आएका थिए । भने फरार प्रतिवादी तिवारीलाई प्रहरी हवाल्दार टिकाराम आचार्यको टोलीले पक्राउ गरेको हाे । उनी सुर्खेतकाे वीनपा ११ गाग्रेताल स्थायी घर बताउदै आएका छन् ।
पक्राउ भएका दुवै प्रतिवादीहरुलाई थप कानूनी प्रक्रियाको लागि जिल्ला अदालत सुर्खेतमा बुझाई सकेको जिप्रका स्राेतले बताएकाे छ।
