होमपेज / समाज
सुर्खेत । जन्मजात फरक क्षमता भएकालाई जिल्ला प्रशासन कार्यालय सुर्खेतले घरमै गएर नागरिकता वितरण गरेको छ । शुक्रबार प्रशासनले वीरेन्द्रनगर नगरपालिका–४ यरीचोककी २० वर्षीया रोशनी थापालाई घरमै पुगेर नागरिकता दिइएको हो ।
फरक क्षमता भएकी थापाका अभिभावकले जिल्ला प्रशासन कार्यालयमा नागरिकता पाउँ भनेर निवेदन दिएका थिए । साेही निवेदनको आधारमा घरमै आएर नागरिकता वितरण गरिएको जिल्ला प्रशासन कार्यालय सुर्खेतका प्रशासकीय अधिकृत सूर्यबहादुर थापाले बताए ।
‘हामीले उहाँको सहजताका लागि भएपनि उहाँको घरमै आएर राज्यबाट पाइने नागरिकता सेवा दिएका हौँ,’ नागरिकता वितरणपछि अधिकृत थापाले भने ।
