होमपेज / समाज
काठमाडौं । हाल नेपालमा पश्चिमी न्यूनचापीय प्रणाली र स्थानीय वायुको प्रभाव रहेको छ । मधेश, बागमती, गण्डकी, लुम्बिनी, कर्णाली र सुदूरपश्चिम प्रदेश लगायत बाँकी पहाडी र हिमाली भू–भागमा अधिकांश बादल लागेको छ ।
बागमती र गण्डकी प्रदेशका केही स्थानमा र बाँकी प्रदेशका थोरै स्थानमा मेघगर्जन र चट्याङसहित मध्यमसम्मको वर्षा र हिमपात हुने मौसम पूर्वानुमान महाशाखाले बताएको छ । यस्तै, दिउँसो देशभर अधिकांश बादल लाग्नेछ । महाशाखाका अनुसार, कोशी, मधेश, बागमती र गण्डकी प्रदेशका धेरै स्थान तथा लुम्बिनी, कर्णाली र सुदूरपश्चिम प्रदेशका केही स्थानमा मेघगर्जन/चट्याङ/असिना/हावाहुरीसहित मध्यम वर्षा र हिमपातको सम्भावना रहेकाे छ ।
राति भने देशभर साधारणतया बादल लाग्ने महाशाखाले बताएको छ । कोशी प्रदेश लगायत बाँकी प्रदेशका हिमाली भू–भागका थोरै स्थानमा तथा बाँकी पहाडी भू–भागका एकदुई स्थानमा मेघगर्जन र चट्याङसहित हल्का वर्षा र हिमपातको सम्भावना रहेको छ ।
