होमपेज / समाज
जुम्ला। कर्णाली हिउँले ढाकिएको छ। कर्णालीको जुम्ला, मुगु, डोल्पा, हुम्ला हिउँले ढाकिएका हुन् ।
कालिकोटका लेकाली क्षेत्रमा समेत हिउँ परेको हो । कर्णालीमा दोस्रो पटक हिउँ परेको हो । जुम्लामा आइतवार दिउँसोदेखि बादल लागेको थियो । अत्याधिक चिसोसँगै रातिदेखि हिमपात भएको हो ।
सदरमुकाम आसपासका क्षेत्रमा भने आधा फिट हिउँ जमेको थियो । लेकाली क्षेत्रमा एक देखि डेढ फिट सम्म हिउँ परेको स्थानीय बताउँछन् । हिमपातसँगै यहाँको जनजीवन निकै कष्टकर बनेको छ । लेकाली क्षेत्रमा गाइबस्तुलाई समेत दाना खुवाउनको लागि सकस भइरहेको छ। हिमपातले कृषि बालीमा सिचाइँ गर्न सघाउ पुगेको छ ।
हिमपातका कारण कर्णालीका जिल्ला जोड्ने सबै नाका ठप्प भएका छन् । एक जिल्ला देखि अर्को जिल्ला सम्म पुग्न समेत कठिनभइरहेको छ ।
