होमपेज / समाज
धनगढी। सुदूरपश्चिम प्रदेश सरकारले जाजरकोट केन्द्रबिन्दु बनाएर गएको भूकम्पबाट पीडितका लागि एक करोड रुपैयाँ सहयोग राहतको उपलब्ध गराउने भएकाे छ ।
मन्त्रिपरिषद शनिबार बसेको आकस्मिक बैठकले जाजरकोट र रुकुम पश्चिमका भूकम्प पीडितलाई एक करोड रुपैयाँ सहयोग गर्ने निर्णय गरेको हो ।
मुख्यमन्त्री कमलबहादुर शाहका अनुसार गए राति जाजरकोट जिल्लालाई केन्द्रबिन्दु बनाएर गएको भूकम्पको कारण ठुलो धनजनको क्षतिप्रति गहिरो दुःख व्यक्त गर्दै सहयोग गर्ने निर्णय गरिएको बताए ।
उनका अनुसार प्रदेश सरकारले कर्णाली प्रदेश सरकारलाई सहायता पुग्ने गरी तत्काल रु १ करोड प्रदान गर्ने तथा स्वास्थ्य सामाग्रीसहित २० जनाको चिकित्सक टोली आजै भूकम्प प्रभावित क्षेत्रमा पठाउनेसमेत निर्णय गरेको छ ।
