होमपेज / समाज
काठमाडौँ । प्रधानमन्त्री केपी शर्मा ओलीले ढुक्क भएर कोरोना भाइरसविरुद्धको खोप लगाउन अपिल गरेका छन् । त्रिवि शिक्षण अस्पतालमा आइतबार बिहान कोरोना भाइरसविरुद्धको खोपको पहिलो डोज लगाएपछि प्रधानमन्त्री ओलीले महामारी नियन्त्रणका लागि खोप अत्यावश्यक रहेकाले पायक पर्ने ठाउँमा उपलब्ध भएका बेला खोप लगाउन अपिल गरेका हुन् ।
अस्पतालबाट बाहिरिने क्रममा प्रधानमन्त्री ओलीले भने, ‘मैले खोप लगाएँ । अहिलेसम्म कुनै पनि साइडइफेक्ट देखिएको छैन र आशा छ देखिँदैन पनि होला । म सबैलाई निर्धक्क भएर खोप लगाउन आग्रह गर्छु ।’ सरकारले आइतबारदेखि हिमाली जिल्लामा ५५ वर्षमाथिका र अन्य जिल्लामा ६५ वर्षमाथिका व्यक्तिलाई खोप लगाउन सुरु गरेको छ ।
खोपलाई लिएर सर्वसाधारणमा विभिन्न शंका रहेका बेला प्रधानमन्त्री ओलीले कुनै पनि दुविधा राखी खोप लगाउन अपिल गरेका हुन् ।
ADVERTISEMENT
