होमपेज / समाज
काठमाडाैं । नेपाली राष्ट्रिय फुटबल टोलीका पूर्व गोलरक्षक लोकबहादुर शाहीको निधन भएको छ । अखिल नेपाल फुटबल संघ (एन्फा) र नेपाल बक्सिङ संघका पूर्वमहासचिव तथा नेपाल आइस हक्की संघका संस्थापक अध्यक्ष समेत रहनुभएका शाहीको आइतबार राति निधन भएकाे हाे । एन्फा अध्यक्ष कर्मा छिरिङ शेर्पाका अनुसार ६५ वर्षीय शाहीकाे दैलेखस्थित आफ्नै निवासमा निधन भएको हाे ।
शाही सन् १९७९ देखि १९८९ सम्म नेपाली राष्ट्रिय टोलीको गोलरक्षक रहनु भएकाे थियाे । सन् १९८४ मा दक्षिण एसियाली खेलकुदमा स्वर्ण जित्दा शाही राष्ट्रिय टोलीको प्रमुख खेलाडी हुनुहुन्थ्याे । शाहीकाे निधनप्रति एन्फाले दुःख व्यक्त गरेकाे छ ।
