होमपेज / समाज
बारा, बारामा प्रहरी र तस्करबीच झडप हुँदा एक बालकसहित तीन जना प्रहरी घाइते भएका छन्।बुधबार साँझ ७ बजेतिर सुवर्णपुर गाउँपालिकामा भएको झडपमा प्रहरीले १२ राउन्ड हवाइफायरसमेत गरेको थियो ।
सोक्रममा १४ वर्षीय रन्जन यादव घाइते भएको बाराका एसपी कृष्ण पंगेनीले जानकारी दिए। उनका अनुसार बयोधा अस्पतालमा बालकको उपचार भइरहेको छ।बालकको टाउकोमा अपरेशन गरिएको छ। तस्करहरूले ल्याउँदै गरेको ६ बोरा आलु र प्याज प्रहरीले नियन्त्रणमा लिएपछी स्थानीयहरू प्रहरीमाथि नै जाइलागेपछि झडप भएको पंगेनीले बताए ।
त्यहीक्रममा १२ राउन्ड हवाईफायर भएको र एक जना सईसहित तीन प्रहरी घाइते भएको उनले बताए । उनीहरूको कलैया अस्पतालमा उपचार भइरहेको छ।
