होमपेज / समाज
काठमाडौं । महानगरीय प्रहरी परिसर, काठमाडौंले स्कुटरको डिकीमा राखेको पैसा झिकेको अभियोगमा एक जनालाई पक्राउ गरेको छ । काठमाडौं प्रहरी प्रमुख एसएसपी श्यामलाल ज्ञवालीका अनुसार बानेश्वर प्रहरी वृत्तद्वारा पक्राउ परेका प्रदीप कार्कीले स्कुटरको डिकी खोलेर चोरी गर्ने गरेको पाइएको हो ।
प्रहरीका अनुसार एक जना पूर्वप्रहरी अधिकृतको छोराको स्कुटरबाट एक लाख रुपैयाँ चोरी भएको विषयमा अनुसन्धान गर्दै जाँदा कार्की पक्राउ परेका थिए । र, अन्य थुप्रै चोरीका घटनामा पनि उनको संलग्नता खुलेको छ ।
उनीविरुद्ध चोरी सम्बन्धी कसूरमा म्याद थप गरेर विस्तृत अनुसन्धान थाल्ने प्रहरी तयारी छ ।
