होमपेज / समाज
सुर्खेत । पछिल्लो २४ घण्टामा कर्णालीमा थप ७ जनामा कोरोना भाइरसको संक्रमण देखिएको छ । कर्णाली प्रदेश सरकार सामाजिक विकास मन्त्रालयका अनुसार थप ७ जनामा कोरोना देखिएको हो ।
प्रदेश अस्पताल पशुपन्छी रोग अन्वेषण प्रयोगशाला सुर्खेतमा १, दैलेख अस्पतालमा गरिएको परीक्षणमा ४ जना र चौरजहारी नगरपालिकाको पीसीआर प्रयोगशाला रुकुम पश्चिममा गरिएिका परिक्षणमा थप २ जनामा कोरोना संक्रमण देखिएको हो । यो संगै कर्णालीमा कुल संक्रमित हुनेको संख्या १ हजार ७ सय ३३ पुगेको छ ।
५ जना डिस्चार्ज
शुक्रवार कर्णालीका थप पाँच जना कोरोना संक्रमित उपचार पछि डिस्चार्ज भएका छन् । प्रदेश अस्पताल सुर्खेतबाट २ जना, शिवालय आइसोलेसन सेन्टर जाजरकोटबाट ३ जना संक्रमित निको भई घर फर्किएका हुन् ।
यो संगै कुल डिस्चार्ज हुनेको संख्या १ हजार ४ सय ९३ पुगेको छ । संक्रमित मध्ये हालसम्म ६ जनाको मृत्यु भइसकेको छ भने २ सय ३४ उपचाररत रहेका छन् ।
