होमपेज / समाज
सुर्खेत । १७औं धान दिनव वीरेन्द्रनगरमा पनि मनाइएको छ । ‘धान उत्पादन बृद्धि, आत्मनिर्भरता र समृद्धि’ भन्ने मुल नाराका साथ वडा नम्बर ९ मा मनाइएको हो ।
सोमबार वडा कार्यालयको जब्दी भन्ने स्थानमा वडाले १ विघाह जग्गा भाडामा लिएर आज धान दिवसको अवसर पारेर खेती कार्यक्रम समेत शुरु गरेको छ ।
दिवसको अवसरमा वडा नम्बर ९ का वडा अध्यक्ष सुरेश मानन्धरले कोरोना भाइरसको महामारीले रोग र भोकले सताएको अवस्थामा कृषक दाजुभाइलाई हौसला प्रदान गर्नका लागि उक्त कार्यक्रमको शुरुवात गरेको बताउनुभयो ।
‘हामीले अहिले महिला तथा यूवाहरुको समूह बनाएर १ विघाह जग्गा भाडामा लिएर सामूहिक खेती कार्यक्रम शुरु गरेका छौ । उहाँले भन्नुभयो । ‘यस्मा सम्पूर्ण वडाबासी राजनैतिक दलहरुलाई सहयोग गर्न अनुरोध गर्दछु ।’
९ नं. वडामा रहेका टोल विकास संस्थाका अध्यक्षहरु, वडा सदस्य टिका विक, समाजसेवी एकदेव गिरी एवं कृषक थिरबहादुर कार्की लगाएतको सहभागिमा दिवस मनाइएको हो ।
