होमपेज / समाज
काठमाडौं । अफगानिस्तानबाट १८ जना नेपाली स्वदेश फर्कीएका छन् । संयुक्त राष्ट्रसंघ (युएन)को जहाजले १८ जना नेपालीलाई स्वदेश फर्काएका हुन । आइतबार बिहान अफगानिस्तानबाट उडेको जहाज पौने १ बजे त्रिभूवन अन्तराष्ट्रिय विमानस्थलमा अवतरण गरेको हो । उनीहरू संयूक्त राष्ट्रसंघीय सहायता मिसनमा कार्यरत थिए ।
कोभिड १९ व्यवस्थापन केन्द्र (सिसिएमसी)ले दिएको जानकारी अनुसार उक्त मिसनमा कार्यरत नेपालीहरु आफैँले जहाज चार्टर्ड गरेर फर्किएका हुन् ।
त्यस्तै आजै मात्र बांगलादेशबाट २ सय ६४ नेपाली लिएर नेपाल एयरलाइन्सको जहाज काठमाडौं आउने छ ।
विभिन्न मुलुकमा अलपत्र नेपाली ल्याउन राष्ट्रिय ध्वजाबाहक नेपाल वायुसेवा निगम र निजी लगानीको हिमालय एयरलाइन्सका जहाज ल्याइने बताइएको छ ।
