होमपेज / समाज
सुर्खेत । पश्चिम रुकुमको चौरजहारी–४, सोतीमा भएको घटनाको दोषीलाई कडा कारबाहीको माग गर्दै सुर्खेतमा विरोध प्रदर्शन भएको छ । सोमबार बिहान वीरेन्द्रनगरमा दलित अधिकारवादी तथा अन्य संघसंस्थाहरुले दोषिमाथि कडा कारबाहीको माग गरेका हुन ।
प्रदर्शन पछि कोणसभा गर्दै जातीय अहंकार र भेदभावकै कारण उक्त घटना भएकाले राज्यले निष्पक्ष रुपमा अनुसन्धान गर्नुपर्ने बताएका थिए ।
कार्यक्रममा दलित अधिकारवादी खगेन्द्र सुनारले जातभातकै आधारमा प्रेममा बन्देज लगाउनुका साथै अन्ततः हत्या गरिएको बताए । ‘प्रेम र समानताको लागि रुकुम घटना कालो दिन बनेको छ,’ उनले भने, ‘दलितमाथिको यो जघन्य अन्याय कहिलेसम्म भइरहने हो ?’
गत जेठ १० गते भएको सोती घटनामा गाउँलेको कुटाइबाट ५ जनाको मृत्यु भएको छ भने एकजना बेपत्ता छन् । प्रहरीले घटनामा संलग्न भएको आरोपमा १८ जनालाई पक्राउ गरेको छ ।
ADVERTISEMENT
