होमपेज / समाज
सुर्खेत । कोरोनाबाट एकदमै प्रभावित मुलुक भारतबाट दैनिक जसो मानिसहरु भित्रिने अवस्थालाई मध्ये नजर गर्दै कर्णाली प्रदेश सरकारले केन्द्र सरकारका संग सेना परिचालनको लागि माग गरेको छ । प्रदेशको मन्त्रिपरिषदको बैठकले सेना परिचालनका लागि स्वीकृति मागेको सरकारका प्रवक्ता एवम् भूमि व्यवस्था कृषि तथा सहकारी मन्त्री विमला केसीले जानकारी दिइन् ।
प्रदेश सरकारले कोरोना भाइरस (कोभिड(१९) सम्भावित जोखिमलाई ध्यानमा राखेर रोकथामका लागि सेना परिचालन गर्न स्वीकृति मागेको उनको भनाई छ ।
ठूलो मात्रामा रोगगारीको लागि भारत गएका कर्णालीबासी रोजगारी गुमेका कारण दैनिक जसो ४ हजार कर्णालीबासी भारतबाट फर्किने गरेको अनुमान छ । अझै कर्णालीका करिव ८० हजार बढि नागरिक भारतमा रहेको कम्मतिमा पनि ३० हजार फर्किने प्रदेश सरकारको अनुमान छ ।
ठूलो सङ्ख्यामा नागरिक भित्रिएकोले महामारी फैलिने त्रास बढेको छ । हालसम्म कर्णालीमा भारतबाट आएका ३८ जनामा कोरोना पुष्टि भइसकेको छ ।
ADVERTISEMENT
