होमपेज / समाज
काठमाडौँ । नेपालमै पहिलो पटक कोरोना संक्रमणका कारण मृत्यु भएकी २९ वर्षीया सुत्केरी महिलाको १३ दिने शिशु र परिवारका अन्य सदस्यको पीसीआर रिपोर्ट नेगेटिभ आएको छ । मृतक सिन्धुपाल्चोक–९ की २९ वर्षीया महिलामा कोरोना संक्रमण पुष्टि भए पछि शिशु सहित मृतकको श्रीमान, माइतीतर्फको आमा र बहिनीको पनि नमुना संकलन भएको थियो । तर उनीहरुको रिर्पोट नेगेटिभ आएको हो ।
नतिजा नेगेटिभ आए पछि १४ दिन क्वारेन्टाइनमा राख्ने गरी सिन्धुपाल्चोकको प्रशासन र स्वास्थ्य कार्यलयको समन्वयमा पठाउन लागिएको जिल्ला कमाण्ड पोस्टका सदस्यसमेत रहेका वरिष्ठ स्वास्थ्य प्रशासक डाक्टर नरेन्द्रकुमार झाले जानकारी दिए ।
सिन्धुपाल्चोकको बाह्रबिसे नगरपालिका–९ राम्चे चालिसेगाउँमा यही गाउँकी एक महिलाको कोभिड–१९ संक्रमणले मृत्यु भएपछि आइतबार उनका परिवारजन र छिमेकीको स्वाब संकलन गरिएको थियो ।
ADVERTISEMENT
