होमपेज / समाज
काठमाडौं । भारतले दार्चुलाको लिपुलेक हुँदै मानसरोवर जोड्ने बाटो बनाएको विरोधमा भारतीय दूतावास अगाडि प्रदर्शन गर्न पुगेका सत्तारूढ नेपाल कम्युनिष्ट पार्टी (नेकपा) को भातृ संगठन अनेरास्ववियूका नेता(कार्यकर्तालाई प्रहरीले पक्राउ गरेको छ ।
भारतले नेपाली भूमि अतिक्रमण गरेको भन्दै काठमाडौंस्थित भारतीय दूतावास अघि विरोध प्रर्दशन गर्न हिँडेका विद्यार्थीहरुलाई लैनचौर नपुग्दै उत्तरढोकाबाट प्रहरीले पक्राउ गरेको हो ।
विरोध प्रदर्शनमा सहभागी करिब ३३ जना विद्यार्थीहरुलाई प्रहरीले पक्राउ गरेको छ । विद्यार्थीहरुले प्रहरीले धरपकड गरेको भन्दै प्रहरीविरुद्ध नाराबाजी गरेका थिए । विद्यार्थीहरुले ब्याक अफ इण्डिया भन्दै चर्को नारा लगाएका थिए । उनीहरुले भारतीय सेनाविरूद्ध पनि नारा लगाएका थिए ।
ADVERTISEMENT
