होमपेज / समाज
काठमाडौँ । नेपामा कोरोना संक्रमितको संख्या १ सय १ पुगेको छ । बिहीबार थप २ जनामा कोरोना भाइरसको संक्रमण पुष्टि भए संगै संक्रमितको संख्या १०१ पुगेको हो ।
स्वास्थ्य तथा जनसंख्या मन्त्रालयका सहायक प्रवक्ता डा समीरकुमार अधिकारीका अनुसार कपिलबस्तुका १६ र २२ वर्षका पुरुषमा कोरोनाको संक्रमण पुष्टि भएको हो । उनीहरुको स्वाबको परीक्षण टेकुस्थित राष्ट्रिय जनस्वास्थ्य प्रयोगशालामा भएको थियो ।
संक्रमित दुबै जनाको स्वास्थ्य अवस्था सामान्य रहेको र स्वास्थ्यकर्मीको सम्पर्कमा रहेको जनाइएको छ । कपिलवस्तुमा कोरोनाका संक्रमित फेला परेको पहिलो घटना हो । यद्यपि, छिमेकी जिल्ला रुपन्देहीमा भने एक जनामा कोरोना संक्रमण पुष्टि भएको थियो ।
नेपालमा हालसम्म फेला परेका १ सय १ कोरोना संक्रमितमध्ये १९ जना उपचारपछि निको भएर घर फर्किसकेका छन् । बाँकीको टेकुस्थित शुक्रराज ट्रपिकल अस्पतालसहित मुलुकका अन्य अस्पतालमा उपचार भइरहेको छ ।
