टीका चालिसे, सुर्खेत । सुर्खेतको वीरेन्द्रनगरमा बिहीबार सम्पन्न भएको एक अन्तत्र्रिmया कार्यक्रमका सहभागीहरुले युवा र किसानका मुद्दालाई साझा बनाउने विषयमा छलफल गरेका छन् । 
राष्ट्रिय कृषक समूह महासंघ नेपाल कर्णाली प्रदेश सुर्खेतको आयोजना र एक्टिभ परियोजनाको आर्थिक सयोगमा सञ्चालन भएको अन्तरक्रिया कार्यक्रमका सहभागीहरुले किसानका मुद्दालाई युवाले उठाएर स्थापित गर्नुपर्नेममा जोड दिए । 

युवाले नेतृत्व गरेका नागरिक संस्थाहरुको संस्थागत विकासको लागि आयोजना गरिएको कार्यक्रममा करिब एक दर्जन युवा संस्थाहरुको सहभागिता रहेको थियो । 
कार्यक्रममा राष्ट्रिय कृषक समूह महासंघ नेपालका केन्द्रीय उपाध्यक्ष शशीराम आचार्यले किसानका मुद्दाका बारेमा जानकारी दिँदै अब किसानका मुद्दालाई युवाहरुले पनि उठाउनुपर्नेमा जोड दिनुभयो । यसैगरी पैरवी अधिकृत वेद लामिछानेले परियोजनाका उद्देश्य र खाद्य अधिकारका बारेमा जानकारी दिँदै राष्ट्रिय युवा नीतिका बारेमा समेत जानकारी दिनुभएको थियो । 

राष्ट्रिय कृषक समूह महासंघ नेपाल कर्णाली प्रदेशका अध्यक्ष सन्तबहादुर केसीको अध्यक्षतामा सञ्चालन भएको कार्यक्रममा करिब ३० जनाको सहभागिता रहेको थियो । 
कार्यक्रम अधिकृत उत्सव जिसीले स्वागत गर्नुभएको कार्यक्रमको सञ्चालन टिका चालिसेले गर्नुभएको थियो । 

सम्बन्धित खवर

शिक्षकलाई अर्को विद्यालयमा सरुवा गर्न तीन वर्ष पूरा हुनुपर्ने

३ घण्टा अगाडि

मुख्यमन्त्रीले तिरे ५०० रुपैयाँ जरिवाना

१३ घण्टा अगाडि

इन्धनको मूल्य घटेसँगै सार्वजनिक यातायातको नयाँ दररेट निर्धारणकाे तयारी

१ दिन अगाडि

विद्यार्थी संगठनका संरचना हटाउन क्याम्पसहरूलाई त्रिवि निर्देशन

३ दिन अगाडि

प्रचण्ड गर्मीपछि मनसुन सक्रिय हुँदै

४ दिन अगाडि

रास्वपाका निर्वाचित ९९ केन्द्रीय सदस्यको सूची सार्वजनिक

७ दिन अगाडि