होमपेज / समाज
काठमाडौं । न्यायपरिषद बैठकले जिल्ला न्यायाधीश श्यामसुन्दर अधिकारीलाई बर्खास्त गरेको छ ।
न्याय परिषद्को बिहीबार बसेको बैठकले आर्थिक लेनदेनमा मुछिएका जिल्ला न्यायाधीश अधिकारीलाई बर्खास्त गर्ने निर्णय गरेको परिषद्का प्रवक्ता मानबहादुर कार्कीले जानकारी दिए ।
अधिकारी जिल्ला अदालत बाँकेको न्यायाधीश हुँदा आर्थिक स्वार्थ र लेनदेनका कारण न्याय सम्पादन प्रभावित पारेको उजुरी परेको थियो ।त्यसपछि न्याय परिषद्ले अधिकारीलाई सर्वोच्च अदालतमा झिकाएको थियो ।
अधिकारीमाथि सप्तरी जिल्ला अदालतमा हुँदा घुस खाएको आरोप पनि छ ।
