होमपेज / समाज
काठमाडौं । म्याग्दीमा पहिरोले पुरिएर एकै परिवारका पाँच जनाको मृत्यु भएको छ।
मालिका गाउँपालिका– २, रूमको तामेङमा मंगलबार बिहान करिब साढे ४ बजे खसेको पहिरोले एकै घरका पाँच सदस्यको मृत्यु भएको हो । मृत्यु हुनेमा ३६ वर्षीय घामबहादुर विक, उनकी ३४ वर्षीया श्रीमती राममाया, १५ वर्षीय छोरा नवीन, १३ वर्षीय छोरा राजन र ७ वर्षीया छोरी अस्मी छन्।
दुई घर पहिरोमा परेकोमा एक घरका पाँच जनाको मृत्यु भएको र अर्को घरका दुई सदस्य घाइते भएको मालिका २ का वडाध्यक्ष उदयकुमार बुढाथोकीले जानकारी दिए ।
घाइतेहरू भने ६५ वर्षीय गोठे विक र उनकी श्रीमती गोरी विक छन्।
