होमपेज / समाज
काठमाडौँ । आज विश्व मुटु दिवस । नेपालमा पनि विभिन्न कार्यक्रम गरेर यो दिवस मनाइँदै छ । ‘मन लगाऊ, सम्पर्क बढाऊ, मुटु बचाऊ’ भन्ने नारासहित मुटु दिवस मनाइँदै छ। पछिल्लो समय नेपालमा पनि मुटु रोगका बिरामी अत्यधिक बढ्दै गएकाले चेतनामुलक कार्यक्रमहरु गरिंदैछ ।
विश्व मुटु फेडेरेशन र विश्व स्वास्थ्य सङ्गठनले सन् २००० देखि सेप्टेम्बरको अन्तिम आइतबारलाई विश्व मुटु दिवसका रुपमा मनाउन थाले पनि सन् २०१२ देखि सेप्टेम्बर २९ लाई विश्व मुटु दिवसका रुपमा मनाउने गरिएको छ । विश्व मुटु महासङ्घका अनुसार वर्षेनी १ करोड ८६ लाख मानिसको मुटु सम्बन्धी रोगबाट मृत्यु हुने गरेको छ ।
सबै भन्दा बढी मानिसको मृत्युको कारक पनि मुटु रोग हुने गरेको विश्व स्वास्थ्य सङ्गठनले जनाएको छ । नेपाल जस्ता अल्पविकसित देशहरुमा एक तिहाइ बढी मृत्युको कारक मुटु रोग हुने गरेको छ।
